أملي في الحياة أعيش حياة بسيطة لاهموم في سنين طويلة ولا حزن في كل ليلة يسجني في المنام املي بسيط صحيح لكنة نسمة صامته في وسط ريح ممنوعة الكلام املي حياة بسيطة مش عوم في بحور غويطة من السراب والأوهام بحلم وده حلم عادي الماضي يصبح فاضي لاشبح من الماضي يتبعني ولا زكرة بتوجعني ولا أي كابوس يسمعني وانا قايل رايح أنام املي أفضل في الحلم الي انا دلوقتي فية لافي يوم اصحى ألاقية كان لذة حلم في منام ايوة انا مش ببالغ انا دلوقتي بيك يا صاحبي بالغ بالغ كل بسمة وفرحة وضحكة وأمان لكن ودي الحقيقة انا ممكن اهد المعبد علي وعليك في دقيقة لو شفت الغدر منك مهما صغر او كبر سنك كلوا الجرح واحد بيعلم والسلام ايوة انا بكتب خواطر او ممكن تكون مخاطر مخاطر وصراع في عقلي بيخرج في مجرد كلام هتشلني في دماغك يا صاحبي هشيلك جوة قلبي لكن لو بعت مرة مكانك هيبقى برة وصعب ترجع تاني لان مكانك هيبقى جرح والآم وانا جراحي بداويها ان اشيلها بأيدي وأرميها حتى لو كان الجرح قلبي هرمية وكمل في دربي واهو يبقى درس لية و علام املي في الحياة انك تفهم مابين سطور الكلام ولا يخيب أملي فيك اني أجي اعتب عليك في يوم ...
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^