وقت الهوي خلص الدوى والجرح ما طاب القلب نزف ولما أتنسف راحوا الأصحاب وأما احتاجوا من تاني يتلاقوا رجعوا يقولوا أحباب صرخت بصوت لكن مكبوت قفلت الباب رجعولي من تاني وقتي وزماني يمكن يفيد او يمكن من تاني لكلامكم أعيد وألاقي أسباب لا أصحاب هيجوني ولا حبايب نفعوني مالي غير التجديف ايوه مفيش تصريف ...أجدف وحدي يمكن.. أوصل لحل ممكن.. و أرسى لصاحب الترحال اشتري منوا تذكرة سفر ..هي لنفر.. وحيد رحال لكن تذكرة ملهاش رد.. سكة سفر ولا جنبك حد وان كان فيه صوت وحيد ينمد... تلاقيه انين.. غربة سنين... ما لاقليه شريك صوته الطويل ماله رحيل ولا تبديل بأمل الضيي الليل حاجيني والنور ناسيني ولا شيء ينسيني... مين شريكي في موتي الحي؟؟ شريكي في السفر مين؟؟تايه وأجيبه منين!! مفيش غير كشكول... كلامه مقطع مجهول....تايه وسط الطريق... لكن مواسيني مواسي بقساوة ..او يمكن تكون غباوة قاصدة تنسيني...وان كان بكلامه يرسملي مينا ترسيني ويقولي هداية ايوه دي بداية... أبدء بكلامك يمكن كلماتك يا سطور تمليني...وتعدي في كل شرايني...تخلقلي حياة تملى فراغ حياتي و تسكن مكان آهاتي وتقولي انا رايح...
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^