أسمي مش أسمى ومكاني مش مكاني ولو كنت حابب رسمي مش محتاج أبدا لعنواني كلامي واضح بسيط عمره مكان غويط لكن ألي يحب التحويط عمره ما هيفهم كلامي حياتي سهلة وبسيطة عايش على وجه البسيطة لكن من غير خريطة ..تايه وتايها المواني طول عمري بتفكير عجيب.. و ده مش معناه إني غريب لكن سعات بيبقى تفكيري ماشي مع تفكير زماني أحلامي..مالها أحلامي؟؟حلمت بأحلام كتير ..كان نفسي في التغير ويهمد كتر التفكير من الحزن ده للجرح التاني دماغي نشفه وعنيده تقولشي حته حديده لكنها دايما بعيده عن اي قرار تعسف أناني صدقني انا إنسان بسيط مش ذكي ومش عبيط. صحيح حياتي كلها تخبيط لكنها شجره أماني عيوني فيها دموع ومعاها ابتسامتي في وقت ما أكون موجوع.. والانكسار ممنوع.. اكره انحنى ولا ينكسرلي كياني انا زى أي إنسان مره عاقل مره في توهان واديني عايش وبعيش إنسان بقلم : ShadowChildLivedAlone
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^