محيتك زي مرسمتك في وقت عذاب
رسمتك في كتاب سرابي بأمل كداب
عصفور بريش منزوع ونبرة صوت مقطوع
رسمتك بقلب مخدوع شايف الضلمة في شموع صورة في كتاب
محيتك لما فاض بركاني من الألام عهدت نفسي لفكر ولا أعيش تاني في أوهام
تعرف ولو رجع الزمن بيه كنت هتبقى رسمة منسية صفحة مقطوعة مرمية في ظهر كتاب
محيت رسمك بكل خط مرسوم بقيت مبهوم موجة رملة في غيوم محى عشك التراب
سامحني أنا نسيتك من بعد مألامي نديتك بصوت مسموع
خفت لتسمع صوتها وتطلب من تاني لقفص حياتي رجوع
أنا هنساك يا عصفور ألامي وعمرك مهتيجي تاني في أحلامي وقلمي يعودك في كتاب
أنت كنت من فترة في حياتي رسمة باب لعذاب أهاتي ورسمت بريشك أبواب
عشك كان ذكرياتي عششت عذابك في حياتي مع اني ما طلبت عذاب
قسوة عذابك جرحتني بسببها أحلامي فرقتني من رسم الكتاب
عصفوري . ايوه كنت عصفوري في وقت زمان
بس زمانك لازم يعدي عشان القدر ميبقاش ضدي وأعيش إنسان
أرجوك سبني أعيش. ليه عايزني أبقى زيك حطام ريش راضي بهوان؟؟
ارحل ارحل بغبار الرصاص
من بعد ممحيتك من صفحات الكتاب والكراس
ارحل بخطك المهزوز خطك بقى عندي منبوذ ارحل لأبعد الأمكان
أنساني زي منا نسيتك امحيني زي ممحيتك ومش هتلاقي مني عتاب
اصلي خلاص أنت مليت بألامك كل الكراس
وأنا مسحت خلاص رسمك ونسيت كمان اسمك وهبدء صفحة جديدة في كتاب
بقلم: ShadowChildLivedAlone
لماد حصل لها هدا
ردحذفالعصفور هنا سيدي القاريء مشبه بيه فترات التشاؤوم والضعف والوهم الذي مر بها الكاتب في الماضي لذلك الكاتب قرر التخلص منه وازالته من رسوماته لكي يعيش بدون تشاؤم ولا ضعف ....
ردحذف