كريم الصواف

كثير منا يرى انه في ضياع دائم لذلك كتبت ديواني هذا لكي اريك سيدي القارئ انه ما تغرق فيه ما هو إلا بحر من وهم الضياع فكل قصيدة هنا تعبر عن تجربة حزينة وتجربة مؤلمة لكننا لا نضيع بعدها فالحياة لا تقف على شيء سنظل نعيش ونحب ونخدع ونجرح لكن قطار الحياة لا يقف وسيل الإحساس بالضياع لا يجف...... سوف نعيش حتى نتعلم من كل تجاربنا و سنعرف بعد مرورنا على جروحنا إننا كنا موهومين بالضياع وان ما يضمد الجرح ما هي إلا العزيمة التي نقوى بها على ذلك التوهان والسراب. وسنندم كل الندم على كل لحظة كنا بها في تلك السحابة السوداء المعروفه بالضياع بل سنتعجب كل العجب على أفكارنا حين ذلك بأننا سوف نظل تائهين ضائعين إلي أمد مجهول. لتحميل كتاب وهـــــم الضــــياع من  هنــــــــــــــــــــــــــــــــــــــــــــــــــــــــــــــا

تركت قلبي مسجون في سجن الضياع حاصرته بخيالات و رسوم عن لحظات الوداع تركته في صندوق مفتاحه مسروق في مركب بشراع مهلوك من الريح والخداع قررت ابحث عن مفتاحه و الملم أجزاء الشراع فقد كنت موهوم من تلك غيوم الضياع وقلبي كنت قد ارهبتوا و اسلبتوا الحب خوفا عليه من أنياب الضباع أسفا على نفسي إني شيدت قصرا من ضياع و كنت موهوم أسفا على قلب كان على جدرانه طائر مرسوم في قفص مهشم معدوم عجبا عليكي يا نفسي عيشتي وهم بدون ان ترسي منعتي نفسك من النسيان وعيشتي لحظات الحيرة و التوهان..ارجوكي الآن أن تنسى تذكرتي كل أناتك و أغمرتي بالوهم حياتك ورميتي بأملك المنسي أزلتي كل لحظة جميلة وتركتي كل ثانية مريرة في كتابك كي تذكرك بضياعك وعذابك ولا تنسي وعجبا يا من يأس من وصول قطار الفرصة من تاني لأيامه عجبا على من بأس على حياته وقرر ان يصم أنغامه عجبا عليك يا من اسر نفسه في خيالاته و أحلامه عجبا عليك يا من أوهم نفسه ومنع نفسه وقرر عدم الشهيق لقلبه و إعدامه عجبا على إنسان راضي بالا ينسى الماضي والهوان وترك على قلبه التراب عجبا على كل شخص مهد سفينته لميناء ومرسى السراب عجبا علي وعلى كل إنسان اسجن نفسه في مقصورة قطار...

كان في هنا ليك صورة بس لقيتها مكسورة مش باقي منها غير برواز من بعد سنين مهدورة جيت ادور على الصورة لقيتها مقطوعة منثورة بين ازاز مش لاقي منك ملامح.. ادقق عيوني مش لامح منها غير قصاقيص مقطوعة الملم أجزائها ..الماضي يسرقها ويسبها لبالي يغرقها وتفضل مبهومة يجيي دور خيالي يفكر يحاول يتذكر يلاقيها من أفكاروا منزوعة يقنع في ذكرياته تجيب شكلها من ماضي حياته تفتكر انها كانت مخدوعة يدور على شكلك ولو تشويش يلاقي مفيش غير صورة و انت بتبيعه قلبي من حبك مات ومش ناسي ألي فات محتاج يتعاد تصنيعه كان ليك صورة في بالي بس خلاص تاهت من خيالي وبقت في أشلاء الماضي دور عليها يمكن تلاقيها في برواز تاني او زمن تاني غير زماني او مرسومه في ورقي الفاضي ولا أدور انا على الحقيقة صورة القلب البريئة قبل ما أشوف صورة تعذيبه أكيد ها تلاقيها في جيبك أيام ما كنت حبيبك   و تقسى على قلبي وتسيبه لا ندم ها يرجع ماضي ولا رسم صورة من جديد ها يخضر صحرا ها يعمر أراضي كل واحد في مكانه سايب جنبوا ألوانه و اللوحة فاضيه وهو عن فضيانها راضي صورتك كانت في مكانها و بأيدك قررت إعدامها و انا حالف من تاني لا ارسمها وان كنت فكرت ارسم...

تايه وسط زحمة ضلمة مش لاقي نور تايه وفين طريقي؟ بلف حولين مجهول تايه محتاج لصوت يرشدني ينورلي شمعة تايه محتاج لقلب يواسيني في طريقي يمسحليى دمعة ليل مافهوش شموع وطريق مالهوش رجوع وجفن مليان دموع خايف انه تايه تايه انا في افكاري تايه من طول مشواري تايه في اسوار اسراري تايه في بحور اقدارى حاسس باني عود عمال اروح وأعود مع الريح حاسس  بقلب ميت بيطلب لحياتي يعود وهو جريح تايه وسط مليون حاجة مع أني عارف انها مش محتاجة تفكير لكني تايه ومش عارف يمكن تكون دي سذاجة ولا عارف ايه التأثير تايه خد بأيدي. غيرلي دمي في وريدي يمكن اشوف اشوف توهاني  وأغير زماني لزمن تاني معروف تايه في ذكرياتي بحاول احرق الورق الفاضي الورق ألي كان في حياتي ومابقاش منه غير الماضي تايه في عشرين سنه مش لاقي نفسي فيها في يوم تايه في سنه كنت فيها بحب مخدوع تايه مظلوم تايه في حجات كتير كان نفسي يبقى فيها تغيير لكن التغير معدوم كان نفسي ما ألقى نفسي على مركب عذاب بشراع مرسوم كداب كان نفسي ألاقي نفسي قبل ما يتقطع نفسي من جريي ورا السراب كان نفسي ألاقي لحجات كتير أسباب لكنها بتزيد توهاني مخلياني تايه تايه في زماني تايه !...