وشي التاني خلاص غلبني وان كان حالف يتعبني ويمحيني... صراع جوايا ساهمة صايبني مش لاقي هداية ولا حتى فلوكه تعديني... توهان ...وان بصيت في مرايا.. قدامي.. ورايا... لاقي سراب نهر ما يرويني.... وان قمري لقاني أتمنى أماني يصرخ مين وياك !!...مين سابوا ولهنا جابوا يجي يبص معاك؟؟ وأنا مش هو ده بره وجوه دور عليه ما تلقاه..... صوتي ملامحي ولوني القمحي رسمني بس معاه.... ضعفي راكبني وخوفي غالبني ده انا بتحاشى لقاه...طبعه القاسي وقلبه الناسي كرره العين في هواه..... أصلا هو ..عايش بالقوة يجرح خلق الله.... انا لو هو دي كانت نوه تهب تدب وراه..... انا مش هو... بره وجوه ينادي ومش سمعاه.... إحساسي مشاعري.. وكتبي وشيعري... حروفه دي مش طيقاه... بخبيه من جوه... ولكن هو.. حالف يمحى... كل ملامحي... ولا يتبقى سواه... وشي التاني خلاص خلاني الناس كرهاني يا حول الله.... وانا مش هو ولكن هو ما فاهمة ده غير مولاه..... بقلم : ShadowChildLivedAlone
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^