جتلك يا بحر يا ابو المواويل...جتلك ومش سامع صوتي جتلك بحب وقلب كبير...جي اعتب عليك بسكوتي جتلك بمركب بتباعد بين الموج وبيا زي ما انت دايمآ بتتواعد لتهزم كل المراكبية لكنك حالف على شراعي..حالف لتعاند بدون داعي وان كنت بتحلف بإخضاعي لموج التوهان حالف لتخلي المركب فاضي بدون ربان وانا لا مراكبي ولا صياد ولا قرصان..انا جزء من ريشة صبح إنسان ريشة..موجك يعليها..يغطيها..يغرق كل شيء فيها ومراسيها خلاها رماد...ليه تديني الأمل وتعاند؟؟ ما كفاية عناد وان كنت شايفني سواد زي ليلك..ده سوادي ده عشان انا بجيلك وبناديلك لتخف الموج...موجك عادي دايما بادي لكن منسوج منسوج في منوال عشاني..عشان تكون انت وزماني بموج قاسمني جرب في مره ترسمني...هتلاقيني على شطك مستني ومتمني تسمحلي اعدي لشطك التاني لكن غدرك ليا في ثواني يقلب مركبي قصاد ريحي دايما تواعدني بأماني وتخلف بيها..اصلك مش ناوي تفريحي كل ألي يهمك تجريحي قصاد موجك مخليني مع الموج عالى على الفاضي ..خليت حياتي جزء من الماضي ودلوقتي لما جالي الحب و أكون راضي تحكم بموجك العادي وتبقى انت بحكمك البادي على قتل ملامحي ده حتى حرام عليك لما تبقى انت القاضي وتقول ...
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^