قولتلو أنسى السحاب وعيش ولا تفتكرني و أنسى ألي شوفتو مني..أنسى الحلم وأني كنت في يوم التمني كنت الشمس الجميلة دافيه وقت السراب... أنسى الحلم ألي بينا..وأنسى لما أتقابلنا..وأنسى الجزء ألي منا حب في ليله وداب نسيانك صحيح عذاب حتى قلمي و ورقي حاسس حتى في كلامي إن الشوق والأماني نسيو كلام العتاب غير صالح قلبي خالي...هو دلوقتي حالي قلبي ديما بيهرب ..من الحب خايف يقرب فاضي حتى بهمومه..راضي لا يشيل غيومه..حتى طول وقت يومه قافل صفح الكتاب نسى قلمو وكل ورقو ولا همو الوقت سرقو حتى الهم ألي حرقو سايبو يبني في عذاب عيش تاني وانسى السحاب انسى الحب ألي ساب ساب كل اماني فيه..رامي حلم كان حاويه...قرر يجري بخياله...دايس على نور أماله...واااهم باني في سراب عيش تاني وأنسى الحكاية أنسى خط البداية أنسى خليك معايا ألي اتقالت زمان...أنسى الوهم ألي كان أنسى القلب ألي حبك أنسى إني أنا كنت جنبك...أنسى كلمه بحبك ..دلوقتي ملهاش مكان... بقلم : كريم الصواف
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^