تعالي معايا ارسمني.. وشك شكله مطمني ارسمني بوش بيضحك.. ارسمني بضحكه كبيرة ارسم عضلات بالقوة .. خليني بقوة كتيرة ارسم جمبي العكاز.. وجناح حاضن بالريش ارسمني ومتسبنيش.. اشوف نفسي في مرايا افتكر مين كان ويايا.. افتكر ضعفي وبكايا.. افتكر كلام أتقال.. هرجعلك.. ومرجعتيش نسيني شعوري بضعفي .. نسيني الخوف من بكرة.. نسيني ألي انا فيه لكن إياك وحياتك ترسم سر مخبيه سيبه ومتنكشنيش.. أنا ميت و بحاول أعيش أرجوك لا تبص بشفقه.. صدقني انا مش مكسور.. انا بضحك اهه بالعالي علي زمني وأنا منصور وحياتك لا تبص في عيني.. نظراتك هتبكيني.. خليني كده خليني.. واهم.. هارب.. حالم ان انا غالب غالب ضعفي.. غالب صمتي فابعد بقي عينك عني.. نظراتك هتجنني.. مش لازم ترسم جفني ولا حتى ترسم نني خليهم عالتهميش ايوه و متكسرنيش... أنا بحاول اجمع نفسي.. انا عايش اهه وبعيش...... بقلم : كريم الصواف
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^