آه لو بس ينفع أغمض عيني وارجع...يمكن كنت أصلح حاجة من وقت فات...آه لو كنت عازم يمكن بس لازم غصب عن عيوني هتعود على الذكريات...آه لو يرجع بيا.. زمني ويهدى شويه من جريه ورا الحياة ويصحى قلب مات...آه لو كان بيدي لقول للعمر عدي ولكن سبني وحدي همحي بعض الغيوم ..أنا شايفك قادر تعوم ولكن ناسيني كاسر كل ألي يقف يعافر وأنت شايفني بحلم...ابني وأنت بتهدم ناثر أقدار كتيرة حب وشجن وحيره لكن سنين طويلة بتعدي معاك سعات...عدي وسبني أغمض أكيد هرجع وأعوض وأقولك أسرار كتيره في بحر التوهه الكبيره ألي رمتني فيه من غير ولا طوق نجاة...راميي وتقولي جرب من الموج دلوقتي قرب اغرق و أوعي لتهرب... ديه هي الحياة...سبني أنا هفضل احلم وارجع من غير ما اندم...لكن حالف لو ارجع هنده على قدري يسمع واغلب وقت السكات... واركب من تاني قطري واسبق عمري وقدري وأكون أنا ألي بكتب وارسم حلمي ألي فات...وارجع من تاني أقوله يمكن يسمع ده كله ويكون طيب وفاهم ويغير ذكريات...آه لو بس ينفع....والحدق يفهم ^_^ بقلم : كريم الصواف
خواطر قد تكون شخصية ولكنها مرئبة للجميع....الكاتب ليس كل من حمل قلم بل هو الشخص الذي كان قلمه الاحساس ونجح لتصل معانيه لكل الناس..فارجو ان تصلكم معاني كلماتي^_^